Moun Nouyòk k ap fè livrezon manje ak sila yo ki souvan sèvi ak bisiklèt a motè pou transpòtasyon nan vil la, Depatman Transpòtasyon Vil Nouyòk (DOT) mete règ pou chak kalite veyikil, menm jan pou bisiklèt elektrik ak moped.
Documented kreye gid sa a pou ede w konprann règ itilizasyon bisiklèt elektrik ak moped nan Vil Nouyòk.
Règ pou itilizasyon bisiklèt elektrik
Bisiklèt elektrik (an anglè e-bike), se yon bisiklèt ou pedale men ki gen yon batri rechajab sou li ki ede w lè w ap kondwi l. Ou pa bezwen gen lisans pou w itilize l.
- Vitès maksimòm nan se ant 20 ak 25 mil alè (apeprè 32 a 40 kilomèt alè).
- Li obligatwa pou w mete kas si w ap kouri yon bisiklèt ki gen vitès maksimòm 25 mil alè.
- Ou ka itilize bisiklèt elektrik nan wout bisiklèt yo ak nan zòn kote vitès maksimòm nan pa depase 30 mil (48 kilomèt) alè.
Règ pou itilizasyon moped
Yon moped oswa motosiklèt an jeneral pa gen pedal.
- Nan Nouyòk, gen twa kategori moped selon vitès yo. Kategori A gen vitès maksimòm 40 mil alè. Kategori B jiska 30 mil alè. Kategori C jiska 20 mil alè.
- Pou tout kategori yo li obligatwa pou pote kas epi anrejistre moped la nan Department of Motor Vehicles Eta Nouyòk (DMV).
- Pou Kategori A a: ou bezwen yon lisans motosiklèt (M/MJ). Ou ka sèlman kouri l nan wout machin epi ou pa gen dwa pase nan wout bisiklèt.
- Pou Kategori B ak C a: ou bezwen yon lisans nòmal. Ou ka kouri l nan wout machin oswa sou bò dwat wout la. Ou ka al sou bò goch sof si w bezwen vire agoch, daprè règ Depatman Transpòtasyon (DOT).
Nan lyen sa a w ap jwenn lis konplè sou règ yo ak diferans ki genyen nan chak kategori bisiklèt.
Lòt rekòmandasyon ak règ
- Ou ka itilize yon bisiklèt elektrik oswa yon moped sèlman si w gen 16 lane ou plis
- Lalwa egzije pou mete kas si w poko gen 18 an, men yo rekòmande l pou moun tout laj.
- Konsèy pou kenbe batri bisiklèt elektrik ou an sekirite
- Kijan pou rekipere moped ou apre NYPD te konfiske l
